Meray chahray pay jazbo k saliqay likh rahi thin

Meray chahray pay jazbo k saliqay likh rahi thin
Wo ankhain ishq k sachay sahifay likh rahay thin

Wo batain payar ki ayat ki qirat ki manid
Tamano k sub nori qazifay likh rahi thin

Guma k band dar ahsas ki dastak ki zad main
Howain aas k gowa wasiqay likh rahi thin

Wahan alfzo k dar ayase zarori bhi nahi thay
Jahan ye chahtain khud hi darichay likh rahi thin

Shadidi izhar k tarze sukhan bus tha khamoshi
Nigahain baat karnay k tariqay likh rahi thin

Baha ker lay gai jazbat ki wo absharain
Jo janay zabt k kab waqiqay likh rahay thay