Nihan fana main baqa hai zara sambal k chalo
Ye khak khak e shifa hai zara sambal k chalo
Her aik zahan main andesha haye door draz
Her aik lub pay sada hai zara sambal k chalo
Hain is ki khak k parday main asman kai
Zameen karbo mala hai zara sambal k chalo
Jahan se tum ko payamo salaam atay hain
Wo shahar shahar e jafa hai zara sambal k chalo
Ye sahan arze harm hai ba ahtayat qadam
Buhat Qareem Khuda hai zara sambal k chalo
Abhi kisi ki jhalak hai her aik chaharay main
Abhi ye zakham naya hai zara sambal k chalo
Safar bhi dhoop hai our Adeel talon ko
Her aik zakham hara hai zara sambal k chalo
Subscribe to:
Post Comments (Atom)
No comments:
Post a Comment